வானில் நடந்த சோகம் 3பேர் பரிதாபமாக உயிரிழப்பு!!

கட்டுமானத்திற்கு தேவையான பொருட்களை ஏற்றிக் கொண்டு சென்ற சரக்கு விமானம் விபத்துக்குள்ளானதில் 3 பேர் உயிரிழந்துள்ள சம்பவம் சோகத்தை ஏற்படுத்தியுள்ளது.

இந்தோனேசியாவில் உள்ள பப்புவா மாகாணத்தில் நாப்ரே மாவட்டம் அமைந்துள்ளது. இந்த மாவட்டத்தில் இருந்து இன்டன்ஜயாவிற்கு கட்டுமான பணிகளுக்கு தேவையான பொருட்களை ஏற்றிக் கொண்டு சரக்கு விமானம் ஒன்று கடந்த புதன்கிழமை சென்றுள்ளது.

இதனை அடுத்து விமானம் புறப்பட்ட 50 நிமிடங்களில் கட்டுப்பாட்டு அறையுடனான தொடர்பு துண்டிக்கப்பட்டுள்ளது. அதன்பின் அந்த விமானம் மலைப்பகுதியில் மோதி விபத்திற்குள்ளானது.

இந்த விபத்தில் விமானத்தில் பயணித்த மூவரும் உயிரிழந்ததாக தகவல் வெளியாகியுள்ளது. இந்த விபத்தானது மோசமான வானிலை காரணமாக நடைபெற்று இருக்கலாம் என்று கூறப்படுகிறது. மேலும் விபத்து நடந்த இடத்தில் மீட்புக்குழுவினர் தீவிர பணியில் ஈடுபட்டு உள்ளனர்.