சமயம்
சிவராத்திரி வினா விடை
- சிவராத்திரி என்றால் என்ன?
சிவனுக்குரிய இராத்திரி என்பதால் சிவராத்திரி எனப்படும். - இவ் விரதங்களில் விசேடமானது எது?
சிவராத்திரி - சிவராத்திரி எத்தனை வகைப்படும்? அவை எவை?
ஐந்து வகைப்படும்.
மஹா சிவராத்திரி, மாத சிவராத்திரி, யோக சிவராத்திரி, பட்ச சிவராத்திரி, நித்திய சிவராத்திரி என்பனவாகும். - மஹா சிவராத்திரி எப்போது அனுஷ்டிக்கப்படுகிறது?
மாசி மாத தேய்பிறைச் சதுர்த்தசியில் நோற்கப்படுகிறது. - சாதாரண இராத்திரி என்பது யாது?
நாம் ஒவ்வொருநாளும் காணும் இராத்திரி சாதாரண இராத்திரி எனப்படும். - உண்மையான இருட்காலம் என்பது யாது?
இறைவன் உலகம் முழுவதையும் ஒடுக்கி நிற்கும் காலம் ஆகும். - இறைவன் உலகம் முழுவதையும் ஒடுக்கி நிற்கும் காலம் எவ்வாறு அழைக்கப்படும்?
சர்வசங்கார காலம், பிரளய காலம், ஊழி முடிவு, பேரிருட் காலம் - பேரிருட் காலத்தில் தனித்து நிற்பவர் யார்?
சிவபெருமான் - படைப்புக் கடவுள் யார்?
பிரம்மன் - காத்தற் கடவுள் யார் ?
விஷ்ணு - தம்முள் யார் பெரியவர் என்று வாதிட்டவர்கள் யாவர்?
பிரம்மாவும், விஷ்ணுவும் - பிரம்மாவும், விஷ்ணுவும் தம்முள் யார் பெரியவர் என்று முரண்பட்டபோது அவர்கள் முன்நிகழ்ந்தது
என்ன?
சிவபெருமான் ஒளிப்பிளம்பாகத் தோன்றி, “இந்த ஒளிப்பிளம்பின் அடியையாவது முடியையாவது கண்டு வருபவரே பெரியவர்” என்று ஓர் அசரீரி ஒலித்தது. - பிரம்மா முடியை எவ்வாறு தேடினார்?
அன்னப்பட்சி வடிவம் எடுத்து பறந்து முடியை நோக்கிப் பறந்தார். - விஷ்ணு அடியை எவ்வாறு தேடினார்?
பன்றி வடிவம் எடுத்து மண்ணைக் குடைந்து அடியைத் தேடினார். - பிரம்மாவினதும் விஷ்ணுவினதும் முயற்சி எவ்வாறு அமைந்தது?
தோல்வியில் முடிந்தது. - தோல்வியில் இருந்து இருவரும் எதனை உணர்ந்தனர்?
தமது இயலாமையையும், சிவபெருமானே பரம்பொருள் என்பதனையும் உணர்ந்தனர். - அடி, முடி தேடிய வரலாறு உணர்த்தும் தத்துவம் என்ன?
ஆணவம் கொண்டவர்களால் இறைவனை அறிய முடியாது, என்ற பேருண்மை வெளிப்படுத்தப்படுகிறது. - சோதிப்பிழம்பாகத் தோன்றிய வடிவம் எது?
இலிங்கோற்பவ மூர்த்தி - இலிங்கோற்பவ மூர்த்தி தோன்றிய காலம் எது?
சிவராத்திரி தினத்தில் இரவு 11.30 முதல் 12.15 வரை இலிங்கோற்பவர்காலம் எனப்படுகின்றது. - இலிங்கோற்பவர் காலத்தில் நாம் மேற்கொள்ள வேண்டியது யாது?
நித்திரைகொள்ளாது, பக்தி பூர்வமாக வழிபடுவதற்குரிய புண்ணிய காலமாகக் கொள்ளப்படுகிறது. மேலும் இலிங்கோற்பவ மூர்த்திக்கு அபிஷேகமும், வில்வ அர்ச்சனையும் செய்வது மேலான பலனைத் தரும். - சிவராத்திரி தினத்தில் சிவனை வழிபட்டு பெரும்பேறு பெற்றவர் யாவர்?
இந்திரன், குபேரன், இராஜசேகர பாண்டியன் - மஹா சிவராத்திரியின் முன்தினம் யாது?
திரயோதசி - சிவராத்திரி விரதம் எவ்வாறு அனுஷ்டிக்க வேண்டும்?
மஹா சிவராத்திரி தினத்தின் முன் தினமான திரயோதசியில் ஒருவேளை பகல் உணவருந்தி, மறுநாள் முழுவதும் உபவாசம் இருந்து, சிவராத்திரியின் மறுதினம் பாரணையில் உணவு உண்ண வேண்டும். - சிவராத்திரி விரதத்தின் முக்கியமான வழி யாது?
சிவராத்திரி தினத்தில் இரவு முழுவதும் நித்திரை கொள்ளாது விழித்திருந்து, சிவாலயத்தில் நடைபெறும் நான்கு ஜாமப் பூசைகளின் போதும், இலிங்க தரிசனம் செய்வது முக்கியமான விதியாகும். - சிவராத்திரி விரதம் இருக்க இயலாதோர் யாவர்?
பாலர், விருத்தர் (முதியோர்), நோயாளர். - சிவராத்திரி தினத்தில் விரதம் இருக்க இயலாதோர் என்ன செய்ய வேண்டும்?
இலிங்கோற்பவ காலம் மட்டும் விழித்திருத்தல் சிறந்ததாகும். - சிவாலயங்களில் இலிங்கோற்பவர் எங்கே காணப்படுகிவார்?
கருவறையின் மேற்குப்புறத்தில் காணப்படுவார். - சிவராத்திரி விரத மரபுகள், பலன்கள் பற்றிக் கூறும் புராணங்கள் எவை?
கந்தபுராணம், திருவிளையாடற் புராணம், இலிங்க புராணம், சிவமகாபுராணம், சிவராத்திரி புராணம். - சிவராத்திரி விரதம் அனுஷ்டிப்பதனால் ஏற்படும் நன்மைகள் எவை?
பிறவியில் செய்த பாவங்கள் நீங்கும்.
உலகில் நன்மை பெருகும்.
வாழ்வு வளம் பெறும். - இறைவனின் அன்பையும், அருளையும் எவ்வாறு பெற முடியும்?
உண்மை அன்பு, நேர்மை முதலான நற்பண்புகளை வளர்த்துக்கொள்ளும் போது.
