வீட்டில் திடீரென பரவிய தீயால் 8 வயது சிறுமி பலி!

மாத்தறை – வெலிகம பகுதியில் உள்ள வீடொன்றில் நேற்றிரவு (30) தீ பரவியுள்ளது.

தீ விபத்தில் சிக்கி வீட்டில் இருந்த 08 வயதான சிறுமி ஒருவர் உயிரிழந்துள்ளார்.

வீட்டில் தீ பரவிய சந்தர்ப்பத்தில் வீட்டில் தந்தை, தாய் இரண்டு சிறுமிகள் மற்றும் பாட்டி ஆகியோர் இருந்துள்ளனர்.

தீ விபத்து ஏற்பட்டதனை அடுத்து, அயலவர்களால் வீட்டில் இருந்தவர்கள்  வௌியேற்றப்பட்ட போதிலும், குறித்த 8 வயது சிறுமியை மீட்க முடியாமல் போயுள்ளது.

குறித்த சிறுமியின் சடலம் படுக்கையறையில் இருந்து மீட்கப்பட்டுள்ளது.

இந்நிலையில் இது குறித்த விசாரணைகளை வெலிகம பொலிஸார் முன்னெடுத்து வருகின்றனர்.