இன்று சனிக்கிழமை புத்தளம் கருவலகஸ்வெவ பகுதியில் இடம்பெற்ற விபத்தில் 3 பிள்ளைகளின் தந்தை உயிரிழந்ததுடன், இருவர் காயம் அடைந்துள்ளனர்.
இதில் உயிரிழந்தவர் வென்னப்புவ பகுதியை சேர்ந்த 74 வயதுடையவர் என பொலிசார் தெரிவித்தனர்.
உயிரிழந்தவரின் 9 வயதுடைய பேரனும், மருமகனும் காயம் அடைந்த நிலையில் புத்தளம் வைத்தியசாலையில் சேர்க்கப்பட்டுள்ளனர்.
தொடர்ச்சியாக பெய்து வருகின்ற மழையினால் கட்டுப்பாட்டை இழந்த வான் வீதியை விட்டு விலகி மரத்தில் மோதி விபத்துக்கு உள்ளாகியுள்ளது.
இது தொடர்பான விசாரணைகளை கருவலகஸ்வெவ பொலிசார் முன்னெடுத்து வருகின்றனர்.
